Link açıqlığı

Moskvada «Strategiya-18» aktsiyası: «yeşil adamçıqlar» peyda olğance, Qırımda terror yoq edi (+fotoresim)


Moskvada er ay keçirilgen «Strategiya-18» aktsiya çerçivesinde qırımtatarlarına qol tutmaq maqsadınen halq faalleri bir kişilik piketler keçirdiler. Böyleliknen moskvalılar bir daa Qırımdaki repressiyalarğa qarşı öz itirazını bidirdi. Aqşam Tverskaya soqağında keçken pikette oktâbrniñ 18-nde yigirmige yaqın insan iştirak etti, dep bildirmekte Azatlıq Radiosı.

«Rusiyeli akimiyet Qırımdan teşkil etken taqipler, – işte kerçek bir repressiyalar. Terroristler – rusiyeli akimiyetni qabaatlağan insanlar degil de, Qırım sakinlerine qarşı terror teşkil etkenlerniñ özleridir. «Yeşil adamçıqlar» peyda olmasından evel Qırımda terror yoq edi», – dep saya aktsiyanıñ iştirakçisi Vera Lavreşina.

Faaller ellerinde qırımtatarlarnı taqip etilmemesi, Ahtem Çiygoz, Vladimir Baluh, «Oleg Sentsov davasına» alâqası olğanlarnıñ azat etilmesini talap etken plakatlar tuta ediler.

Aktsiya iştirakçileri ayrıca, oktâbrniñ 14-nde Qırımda keçken bir kişilik piketlerde iştirak etken qırımtatar faalleriniñ talapları yazılğan plakatlarnı da numayış ettiler. O künü, küç hızmetleriniñ qırımtatarlar ve musulmanlarğa qarşı yapılğan repressiyalarğa itiraz bildirmek içün 100-den ziyade insan çıqqan edi.

Tamam böyle bir aktsiya Sankt-Peterburgta da ötkerildi.

VladiSankt-Peterburg ve Moskva faalleri qırımtatarları sürgün etilgen 18 mayıs 1944 senesine bağişlayaraq, «Strategiya-18» adlı müddetsiz aktsiya teşkil etken ediler.Er aynıñ 18-nde faaller şeer soqaqlarına çıqıp, işğal etilgen Qırımdaki vaziyet aqqında ikâye ete, Rusiyeli cemaatçılıqnı bozulğan insan aq-uquqları aqqında malümat bere.

Rusiyeli muallefetçi faalleri muntazam sürette siyasiy mabüslerniñ azat etilmesi, Rusiye Ukrainada öztecavuzını bitirmesi ve Qırımnıñ azat etilmesinen bağlıbarışıqsever piket ve aktsiyalar keçireler.

XS
SM
MD
LG