Link açıqlığı

İctimaiy siyaset Nazirligi Qırım ve Donbasstan köçip kelgenlerge tölev miqdarını arttırmaq niyetinde – nazir yardımcısı


Qırım memuriy sıñırı, nümünelik fotoresim

Ukrainanıñ ictimaiy siyaset Nazirligi Ukraina nezareti tışındaki Donetsk ve Lugans vilâyetlerinen Rusiye işğal etken Qırımdan mecburen köçip kelgen şahıslarğa yapılğan tölev miqdarını arttıruv meseleni baqmaqta. Bu aqta «Donbass.Aqiqat» Radiosı efirinde Ukraina ictimaiy siyaset naziriniñ yardımcısı Nikolay Şambir ikâye etip berdi.

«Biz tölev miqdarını kelecek yıl biraz arttırmaq meselesini muzakere etemiz. Ancaq ne qadar yapıp olacağımız meselesi, kelecek sene bücetine bağlı», – dedi o.

2017 senesi oktâbrniñ 2-ne köre, ictimaiy siyaset nazirliginiñ malümatına istinaden Donbass ve Qırımdan 1 596 644 insan köçken, olarğa 2,1 milliard grivnalıq yardım kösterilgen.

2014 senesi Qırım işğal etilgen soñ, Donbassta silâlı çatışmalar başlandı. Ukraina Yuqarı Radası Rusiye tarafından Qırım ve Aqyarnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ukraina ve Ğarp ayrıca, Rusiye Donbasstaki Rusiye tarafdarı olğan cengâverlerge qol tutqanında qabaatlay. Moskva bütün qabaatlavlarnı inkâr ete.

XS
SM
MD
LG