İşğal etilgen Qırımda rus silâlı hızmetleri, oktâbrniñ 14-nde bir kişilik piketlerge çıqqan faillerni sözde soravdan keçire. Subetlerniñ maqsadı – faillerden aktsiyanıñ teşkilâçılarını ögrenmek. Bu malümatnı Qırım.Aqiqatqa qırımlı fail Zair Smedlâyev bildirdi.
«Adamlar tutulğan bütün rayonlarda soravğa çağırıla. Bu Canköy, İçki, Seyitler, Yedi Quyu rayonı. Olar bir kişilik piketlerniñ teşkilâtçısını tapmağa istey. Bilgenim qadar, çoqusı (Rusiye Konstitutsiyasınıñ – QA) 51-ci maddesine esaslanıp, iç bir şey aytmay. Belki, bazıları ifade de qaldıra», – dedi Smedlâyev.
Oktâbrniñ 18-nde malüm oldı ki, Qırımnıñ Seyitler rayonında Rusiyeniñ silâlı hızmetçileri, oktâbrniñ 14-nde yarımadada ötkerilgen piketler munasebetinen, dört yerli sakinni «soravğa» çağırttırğan. O künü silâlı hızmetler tarafıdan qırımtatarlarğa, musulmanlarğa yapılğan repressiyalarına narazılıq bildirmek içün 100-den çoq adam çıqqan edi.
