Link açıqlığı

Qırımnıñ bücet masrafları 40% ziyadege arttı – Maliye nazirligi


2017 senesi 9 aylıq müddet içinde işğal altındaki Qırım bücetiniñ masrafları 93 mlrd rublege yetti (43 mlrd grivna - QA), bu ise, keçken seneni köstergiçine köre, 41,5% ya da 27,2 mlrd rublege (12,6 mlrd grivna- QA) arttı demektir. Bu aqta Kreml nezaretindeki Qırım maliye naziri İrina Kiviko bildirdi, dep yaza nazirlikniñ matbuat hızmeti.

«Eger keçken sene 9 ay devamında bizim masraflar 65,6 milliard rubleni (30,3 mlrd grivna – QA) teşkli etken olsa, 2017 senesi 93 milliardnı teşkli etti.

Bu arada kassa planı yanvar-sentâbr aylârında 99,2% becerildi. Bu ise, işimizniñ keyfiyeti arttı ve kassa masrafları doğru planlaştırıldı degen manağa kele», – dep qayd ete Kiviko.

Kivikonıñ sözlerine köre, esabat müddeti içinde 46,1 mlrd rubleni (21,3 mlrd grivna –QA) teşkil etken masraflarnıñ ekseriyeti ictimaiy saalarnıñ temin etilmesine yollanılğan.

Qomşu Rusiye iqtisadiy inkişaf naziriniñ yardımcısı Sergey Nazarov bergen malümatqa binaen, Rusiye işğal altındaki Qırımnıñ inkişafı içün 2020 senesine qadar ilâve olaraq 59 millard ruble (26 milliard grivna civarında – QA) ayırğan.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG