Dissident areketiniñ iştirakçisi, general Pötr Grigorenko sovet devrinde qırımtatar halqını qorçalamağa başlağanına iç bir zaman peşman olmağan. Bu aqta Qırım.Aqiqatqa generalnıñ oğlu, uquq qorçalayıcı Andrey Grigorenko ikâye etip berdi.
«O, özüniñ bazı hataları içün peşman olğan edi, amma o farqlı mesele edi (qırımtatarlanınıñ qorçalanuvı – QA). O, kommunizmge işanğanına, hristiyanlıqtan uzaqlaşqanına ve sairege peşman ete edi. Belki de birisini qorçalamağanına yazıqsına edi. İşte bu, tamam tövbe etilecek bir şeyler edi», – dedi Andrey Grigorenko.
General Pötr Grigorenko 1907 senesi oktâbrniñ 16-nda dünyağa kele, Ekinci dünya cenkinde iştirak etip, diviziyağa komandanlıq yapa. 1961 senesi stalinizm ve Hruşçövnıñ siyasetini tenqit etip çıqa, leninizmniñ ğayrıdan tiklenmesi içün bir cemiyet qurğanı sebebinden, bütün unvan, mükafat ve pensiyasından marum etile.
Sovet akimiyeti Grigorenkonı aqıldan tayğan dep, zorbalıqnen delihanege yollay. 1967 senesi o Ukrain Helsinki gruppasınıñ teşkilâtçılarından biri ola. Qırımtatarlarınen beraber sürgün etilgen diger halqlarnı qorçalap başlay. 1977 senesi noyabr ayında Grigorenkonı, dersiñ tedavi etmek maqsadınen çetelge yollaylâr, ondan soñ vatandaşlıqtan marum etip, keri qaytmasını yasaqlaylâr. Grigorenko uquq qorçalama faaliyetini devam ettirerek, sovet dissidentlerine qol tutmağa çağıra ve aqsızca apiste tutulğanlarnıñ azat
