Qırımda üç aydan berli aşayt mallarınıñ fiyatları ucuzlap başladı. Bu aqta nazir yardımcısı yana Latışevanıñ sözlerine bazanaraq, Kreml nezaretindeki yarımadanıñ sanayı siyaset Nazirliginiñ matbuat hızmeti bildirmekte.
«Fiyatları ucuzlağan mallar arasında toz şeker, qartop, havuç, greçka kürpesinen beraber, soğan 23,7%, alma 17,2%, qapıstanıñ da 11,7% ucuzlağanını qayd etmek mümkün. Aynı zamanda olar arasında ötmek ve süt fiyatları da sabitleşkenini qayd etmeli», – dep bilidre Latışeva.
Nazirlik hadimleri bu yılnıñ başından berli Qırımda aşayt malları 1,6% ucuzlağanını qayd ete. Qırımda ilk ihtiyac cedvelindeki aşayt mallarısentâbr ayında da ucuzlağan. Olarnıñ fiyatı 68,14 rublege (29 grivna) ucuzlap, 3776,34 rublegeni (1700 grivna) teşkil etken.
2017 senesi yanvar ayınıñ soñunda Qırımdaki fiyatlar qomşu Rusiyeniñ cenübiy vilâyetlerine nisbeten paalıca olğanı qayd etilgen edi.
