Link açıqlığı

Qırımda bir kişilik piketke çıqqan faaller kütleviy bir şekilde tutulıp alınmaqta


Qırımdaki bir kişilik piket, 2017 senesi oktâbrniñ 14-di

Rusiye tarafından işğal etilgen Qırımda, yarımadanıñ çeşit rayonlarında rusiyeli küç idareleriniñ qırımtatarlarınen musulmanlarğa qarşı keçirgen repressiyalarına qarşı bir kişilik piketke çıqqanlar kütleviy bir şekilde tutulıp alınmaqta.Bu aqta Facebook’ta «Qırım birdemligi» cemaat birleşmesi niñ regional faali Alimdar haber etmekte.

O, bergen malümatqa köre, bügün bir kişilik piketke çıqqanlardan Kefede beş kişi, Eski Qırımda ise – dört faal tutulğan. Olarnı rayon politsiya idaresine alıp ketkenler.

​«Bütün Qırım boyunca bir kişilik piketler keçirmek içün, pek çoq insan çıqqan. Belli olğanı kibi politsiya hadimleri olarnı tutıp almaqta. Bu insanlar qırımtatarlarınen Qırım musulmanlarını apiske alıp, olarğa nisbeten ekstremizm ve terrorizm maddeleri boyunca dava açmalarına qarşı qol tutmağa çıqqanlardır», – dep bildire videomuracaatında advokat Edem Semedlâyev.

Bunıñ arfesinde belli olğanı kibi, Aqmescitniñ Geroyev Stalingrada soqağı etraflarında bir kişilik piketke çıqqan faalni tutıp, belli olmağan tarafqa alıp ketkenler.

«Qırım birdemligi» cemaat birleşmesi oktâbrniñ 14-nde qırımlılar «bütün Qırım boyunca» bir kişilik piketlerge çıqqanları aqqında haber etken edi.

Rusiyeli küç idareleri bu hususta er angi bir aşikâr izaat bermedi.

​Qırım işğalinden soñ, yarımadada hususan qırımtatarları ğayıp olıp başladı. Bu arada Rusiye nezaretindeki Qırım Taqiqat Komiteti «yarımadada qırımtatarları kütleviy bir şekilde ğayıp olmay» dey.

XS
SM
MD
LG