Link açıqlığı

Timoşenko Ukraina prezidentligine namzet olacağını ilân etti


Ukraina halq deputatı, «Batkivşina» muallefet firqasınıñ lideri Yuliya Timoşenko kelecek saylâvlarda devletniñ prezidentligine namzet olacağını ilân etti. Bu aqta Azatlıq Radiosı bildirmekte.

Cumaertesine keçer gecesi «NewsOne» telekanalınıñ efirinde Timoşenko «devletni ayaqqa kötermeknen» «şahsen özü oğraşmaq kerek olğanı» aqqında ayttı, çünki o keçmişte qol tutqan, hususan – sabıq prezident Viktor Yuşenko ve baş nazir Arseniy Yatsenük kibi siyasetçiler – onıñ işançını aqlamağan ekenler.

Timoşenko 2010 senesi Viktor Yanukoviçke, 2014 senesi ise – devletniñ al-azırdaki yolbaşçısı Petro Poroşenkoğa yenilerek, prezident saylâvlarında artıq eki sefer iştirak etken edi. Şimdiki künde Timoşenko muallefette bulunaraq, prezident ve ükümetni sert bir şekilde tenqit etmekte.O, hususan, Miheil Saakaşviliniñ keçken ayda muvafaqiyetnen bitken ukrain sıñırını keçme teşebbüsine qol tutqan edi.

Ukraina prezidentiniñ saylâvları 2019 senesiniñ baarinde keçmek kerek.

XS
SM
MD
LG