Oktâbrniñ 13, saat 12:00de Qırımda gemilerniñ Keriç boğazından keçmesine izin berildi. Bunen bağlı qarar Rusiyeniñ Qara deñiz limanları idaresiniñ saytında derc etildi.
«Keriç deñiz limanı kapitanı vazifesiniñ vaqtınca icracısı oktâbrniñ 9-nda «Oktâbrniñ 13, saat 12:00-den başlap Keriç boğazında qurulğan transport keçişiniñ qurulışı yapılğan rayonda bulunmaqnı yasaqlağan» qararı lâğu etilsin – denilerek vesiqada, yasaq Keriç köpürindeki avtoyol kemeriniñ yerleştirmesinen bağlı deñiz operatsiyası erte yekünlengeni sebebinden lâğu etilmekte degen malümat berilmekte.
Rusiye qurulayatqan köpür destek direkleri üzerine kemer yerleştirlmesi sebebinden 11-14 oktâbr arasında Keriç boğazından gemilerniñ keçişini yaşaqlağan edi.
Ukrainanıñ vaqtınca işğal etilgen territoriyalar nazirligi, Rusiyeniñ Keriç boğazından keçecek gemilernen bapşı sıñırlaması BMTniñ (OON) deñiz uquqı Konventsiyasına zıt kelgenini bidire.
Keriç boğazında köpür qurulması kerekligi aqqında Putin ta 2014 senesi işğalden soñ aytqan edi. Köpür 2018 senesine qadar qurulıp, 2019 senesi işke tüşürilecegi aqqında söz berigen edi.
Ukraina Rusiyenen Keriç köpüriniñ qurulışı ile bağlı añlaşmadan 2014 senesi, Rusiye Qırımnı işğal etken soñ çıqtı.
