Ukrainanıñ işğal altındaki topraqlarnıñreintegratsiyasınen bağlı qanun leyhasına işğal etilgen Qırımnıñ azat etilmesinen alâqalı tüzetüvler kirsetilecek. Bu aqta prezidentniñ Yuqarı Radadaki temsilcisi olğan «Petro Poroşenko Blokı» reisiniñ yardımcısı İrina Lutsenko 5 kanalnıñ «Zaman. Kün neticeleri» (Vremya. İtogi dnya) programmasında bildirdi.
«Asrtıq bütün teklifler esapqa alındı ve daa da alınacaq: çünki teklif kelmesi devam ete. Esapqa alınğanlar – ilk evelâ bu qanunda, belki, Ukraina aynı zamanda Qırımnıñ azat etilmesi içün bazı yollarnı izleyceginen bağlı muayyen halqara areketler yapacağı aqqındaki bölük ya da madde ilâve etilecek», – dedi Lutsenko.
Oktâbrniñ 6-sında Ukraina Yuqarı Radası ilk oquşında (№7163) Ukrainanıñ vaqtınca işğal etilgen Donetsk ve Lugansk vilâyetlerinde mustaqillikni temin etüv siyasetiniñ hususiyetlerinen bağlı qanun leysasını qabul etken edi. Qanun leyhasını acele degen şartnen Ukraina prezidenti Petro Poroşenko teklif etken edi. Anda Rusiyeniñ tecavuzcı-devlet olaraq tanılmasınen bağlı madde mevcut.
Oktâbrniñ 6-sında Ukraina halq deputatı Refat Çubarov Yuqarı Rada minderinde prezidentniñ №7163-1 sanlıqanun leysası hususındaki rey berüvnen evel yapqan çıqışından, bu qanun leyhasına qol tuttı, lâkin qanunnıñ ekinci oquşında Qırımnıñ azat etilmesinen alâqalı normalarnıñ kirsetilmesine çağırdı.
