Link açıqlığı

Mahkeme Aqmescitteki «Hizb ut-Tahrir davası» boyunca tutulğan beş kişiniñ apis müddetini uzattı


Kreml nezaretindeki Qırım Yuqarı mahkemesi oktâbrniñ 9-nda Aqmescitteki «Hizb ut-Tahrir davası» boyunca tutulğan beş kişiniñ apis müddetini uzattı.

«Qırım birdemligi» birleşmesi özüniñ Facebook saifesinde bidirgenine köre,

Ayder Saledinov, Emil Cemadenov, Rustem İsmailov, Üzeir Abdullayev ve Teymur Abdullayevniñ apiste qaluv müddeti 2017 senesi dekabrniñ 11-ne qadar uzatıldı.

Bazaetrtesi künü mahkeme Aqmescitteki «Hizb ut-Tahrir davası» boyunca tutulğan beş kişiniñ apis müddetiniñ uzatılmasınen bağlı qararnı qapalı toplaşuvda baqacağına qarar berdi.

Martnıñ 7-nde Kreml nezaretindeki Aqmescitniñ Kyiv rayon mahkemesi Aqmescitteki «Hizb ut-Tahrir davası» boyunca tutulğan EmilCemadenov, Üzeir Abdullayev, Teymur Abdullayev, Ayder Saledinov ve Rustem İsmailov apiste qaluv müddetiniñ uzatılmasınen bağlı qarar qabul etken edi. Apis müddeti 2017 senesi iyünniñ 11-ne qadar uzatılğan edi.

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı dep saya. Advokat Emil Kürbedinovnıñ qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleridir.

«Hizb ut-Tahrir» halqara islâm siyasiy teşkilâtı bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek oğrunda terroristik usullarnı red ete ve Rusiyede adaletsizce taqip etilgenini aytalar. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etken edi.

XS
SM
MD
LG