Link açıqlığı

Poroşenko Erdoğan ile körüşüv aqqında: Qırımda insan aqlarına riayet etilmesi içün küreşecekmiz


Ukraina prezidenti Petro Poroşenko ve Türkiye prezidenti Recep Tayyip Erdoğannıñ Kyivdeki körüşüvleri, 2017 senesi oktâbrniñ 9-ı

Ukraina prezidenti Petro Poroşenko Kyivge resmiy ziyareti ile kelgen Türkiye prezidenti Recep Tayyip Erdoğan ile işğal etilgen Qırımda Ukraina vatandaşlarınıñ aq-uquqları ve serbestligi içün küreşmege añlaştı.

«Prezident Erdoğan ile beraber Qırımda insan aqları bozulamaz ve yarımadanıñ işğalci akimiyeti repressiv areketler yapamaz, dep qayd ettik... Ümüt etemiz ki, Türkiye Qırımnıñ işğalden azat etilmesi boyunca halqara dostlar gruppasına qoşulır, bu ğayeni men New Yorkta seslendirgen edim», – dep yazdı Poroşenko.

«Rusiye Federatsiyasınıñ işğalni qanunlaştırmaq ıntıluvları nasıl olsa da faydasız», – dep yazdı o içtimaiy ağlarda ve Erdoğannı Ukrainanıñ büyük dostu dep adlandırdı.

Ukraina prezidentiniñ matbuat kâtibi Svâtoslav Tsegolkonıñ bildirgenine köre, eki prezidentniñ 45 daqqağa planlaştırılğan körüşüvi üç saat sürdi.

«Bugün 9 devletlerara vesiqa imzalanacaq. Mında yatırımlarnıñ qorunması ve ekili bergi alınmasınıñ ögüni alma aqqında aytıla. Türkiye Ukrainanıñ beş büyük ticaret ortağı sırasına kirdi. Ankara Ukraina topraq bütünligine ve Donbassqa barıştırıcı missiyanıñ kirsetilmesine qoltuta», – dep qoştı vekil.

Ziyaret sırasında Ukraina ve Türkiye arasında Strategik şuranıñ altıncı toplaşuvı keçirile. Taraflar farqlı strategik yönelişlerde işbirligini terenleştirme, halqara barışıq ve regional havfsızlıq meselelerini muzakere eteler. Toplaşuv neticesinde bir sıra eki taraflı vesiqa imzalanması beklenile.

Poroşenko ve Erdoğan aqımdaki seneniñ sentâbr ayında Birleşken Milletler Baş assambleyası vaqtında körüşken ediler. Türkiye lideri Ukraina zenaatdaşınen bu ziyaretniñ planlarını laf etken edi. Bunıñnen beraber, Ukraina topraq bütünligi ve devlet sıñırlarına qoltutqanını tekrar bildirgen edi.

XS
SM
MD
LG