Ukraina prezidenti Petro Poroşenko oktâbrniñ 9-nda resmiy ziyaretnen Kyivge teşrif buyurğan Türkiye prezidenti Recep Tayyip Erdoğannen körüşmekte.
Ukraina prezidenti Memuriyetiniñ matbuat hızmeti bildirgenine köre, ziyaret esnasında Petro Poroşenko ve Recep Tayyip Erdoğan yolbaşçılığı altındaTürkiye-Ukraina Strategik Şuranıñ altıncı toplaşuvı ötkerilecek. Taraflar er bir strategik yöneşlerdeki eki taraflama işbirlikniñ arttırılmasınen beraber, halqara barışıq ve regional telükesizlik meselelerini muzakere etecek.
Strategik Şura toplaşuvı neticesinde bir sıra vesiqalarnıñ imzalanması planlaştırılmaqta.
Poroşenko ve Erdoğan bu yıl sentâbr ayınıñ soñunda BMT Genassambleyasınıñ toplaşuvında körüşken ediler. İşte o zaman Türkiye lideri ukrain meslekdeşinen al-azırdaki ziyaret planlarını muzakere etip, Türkiye Ukrainanıñ mustaqilliginen dünyaca tanılğan sıñırları içindeki topraq bütünligine qol tutqanını tasdıqlağan edi.
