Link açıqlığı

Ukraina Yuqarı Radasınıñ toplaşuvı qırımtatar halqı birinci Qurultayınıñ 100-yıllığına bağışlanacaq


Dekabrniñ 6-nda Ukraina Yuqarı Radasında qırımtatar halqı birinci Qurultayınıñ 100-yıllığına bağışlanğan tantanalı toplaşuvı ötkerilecek. Oktâbrniñ 5-nde ukrain parlamenti öz toplşuvında bunen bağlı qararını qabul etti, dep yaza öz Facebook saifesinde halq deputatı Refat Çubarov ve vesiqanıñ kopiyasını derc ete.

Qırımtatar halqınıñ birinci Qurultayı 1917 senesi Bağçasarayda ötkerilgen edi. O zaman qırımtatar devletçiligi tiklenip, Noman Çelebicihan yolbaşçılığında Qırım halq cumhuriyeti ilân etilgen edi. Bolşevikler ordusı qırımtatarlarınıñ devletçilik teşebbüsini bastıraraq, Çelebicihannı öldürgen ediler.

XS
SM
MD
LG