Link açıqlığı

Qırımdaki akimiyet «Krımenergo» teşkilâtınıñ yañı baş müdirini tayinledi


Aleksey Tatarenkov «Krımenergo» teşkilâtınıñ yañı müdiri oldı. Bunı oktâbrniñ 4-nde «Krımenergonıñ» matbuat hızmeti haber etti.

«Qırım Cumhuriyetiniñ Yaqarlıq ve energetika Nazirliginiñ fermanı ile 2017 senesi oktâbrniñ 4-nden «Krımenergo» QC Devlet unitar şirketiniñ baş müdiri vazifesine Aleksey Dmitriyeviç Tatarenkov tayin etildi», – dep aytıla bildirüvde.

Bu tayinden evel Tatarenkov «Krımenergo» baş müdiriniñ birinci muavini edi.

Baş müdir ise Viktor Plakida edi. O bu vazifege 2014 senesi aprelniñ 11-nde tayin etilgen edi.

Bundan evel istilâ etilgen Qırımnıñ Esaplar Odası «Krımenergonıñ» işinde bir-çoq bozuvlar tapqan edi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG