Kataloniyanıñ İspaniyadan mustaqil olmasına dair referendumnı 2014 senesi baarde Qırımda yüz bergen vaqialarnen teñleştirmege mümkün degil, amma Kreml içün kene de avropalı ayırımcılarnı desteklemek daa elverişlidir. Böyle fikirni Qırım.Aqiqat Radiosınıñ efirinde siyasetşınas,demokratiya institutınıñ müdiri Sergey Taran seslendirdi.
«Kataloniyada öz mustaqilligini qazanmağa istegen halq öz iradesini bildirgen oldı. İspaniya qanunlarına binayen, bu ne derecede İspaniya qanunlarına uyğun edi – o başqa sual. Qırımnı ise Rusiye istilâ eten edi. Ancaq «yeşil adamçıqlarnıñ» nezareti astında sahte refendum keçirilmek mümkün edi. Ayrı mesele – Vladimir Putin içün Avropa birligideki er angi istiqrarsızlıq elverişli olğanı. Brükselniñ diqqatını rus-ukrain cenkinden çetke tartacaq er şeyni Kreml öz tarafından destekleycektir», – dep qayd etti ekspert.
Oktâbrniñ 1-nde İspaniyanınKataloniya vilâyetinde, saylav bölükleri politsiya tarafından qapatılğan olsa da, Madridniñ yasaq etken mustaqillik referendumı ötkerildi. Referendumnı Avropa Birligi de qanunsız tanıdı. Kataloniyanıñ regional akimiyeti, rey bergenlerniñ 90% İspaniyadan mustaqil olmaq içün rey bergenini beyan etti.
Katalan mustaqillik areketiniñ lideri Carles Puigdemont, rey berüvden soñra, Kataloniya ayrı devlet olmaq aqqını qazandı, dep beyan etken.
