Link açıqlığı

ABD Qırımda mahküm etilgen İlmi Umerovnı azat etmege talap ete


Amerika Birleşken Devletleri qırımtatar halqıqnıñ yetekçilerinden biri İlmi Umerovnıñ apiske alınmasını takbih ete. Bu aqta oktâbrniñ 3-nde derc etilgen ABD Devlet Departamentiniñ beyanatında buyurıla.

Metinde yazıla ki, Umerov Rusiye tarafından Qırımnıñ istilâ etilmesine dair öz fikirleri içün mahküm etilgen ve prokurornıñ rica etkenine nisbeten daa sert cezağa üküm etilgen.

«Rusiyeniñ işğalci akimiyetini deral Umerovnı azat etmege ve oña çıqarılğan ükümni lâğu etmege çağıramız», – dep aytıla beyanatta.

Bunen beraber Devlet Departamentinde qayd etile ki, ABD Ukrainanıñ topraq bütünligini ve mustaqilligini destekley.

Kreml nezaretindeki Aqmescit rayon mahkemesi sentâbrniñ 27-nde qırımtatar milliy areketiniñ liderlerinden biri olğan İlmi Umerovqa nisbeten öz qararını çıqardı. Umerov eki yıllıq yaşav tarzındaki koloniyada qalmasına üküm etildi. Bunıñnen beraber, Umerovğa eki yıl devamında açıq faaliyet ile oğraşması ve kütleviy haber vastalarında çıqışta bulunması yasaqlandı. Umeronıñ özü oña qarşı açılğan dava siyasiy sebeplerden alıp barılğanını beyan etti.

XS
SM
MD
LG