Oktâbr ayınıñ başında «Qırım evi» devlet müessisesi Kyivde qırımtatar tilinde qonuşma kursları aça. İstegenler aftada eki kere olmaq üzre bedava kursnı ziyaret etebile denilmekte kurs teşkilâtçılarınıñ press-relizinde.
«İşbu kurs qırımtatar tiliniñ temel seviyesini bilgen ve kündelik ve iş ayatında subetlerde özlerinden daa ziyade emin olması em de til ameliyatı yapmağa fursat tapamağanlar içün eñ idealdir», – denilmekte haberde.
2014 senesi martnıñ 20-nde Yuqarı Rada qırımtatarlarnı Qırımnıñ tamır halqı dep tanıdı. Bu qararğa 283 deputat qoltutqan edi. Ukraina tamır halq olğan qırımtatarları ve diger milliy azlıqlarnıñ etnik, medeniyet, til ve din hususiyetleriniñ saqlanıp qalması ve inkişafına kefil olacağını vade etti.
