1-3nci oktâbr künlerinde Qırımda ayaz olması beklene, dep bildire yarımadanıñ rusiyeli MÇS idaresi.
«Gidromettsentrniñ malümatına köre, 1nci, 2nci, 3nci oktâbr künleri gece ve saba saatlarında Qırımnıñ çöl ve dağ etegindeki rayonlarda topraq üzerinde ve bazı yerlerniñ avasında da -2 derece ayaz olması beklenile», – denilmekte muessiseniñ haberinde.
Bütün afta devamında Qırımda rüzgârnıñ şiddetlenmesi sebebinden fırtınalı ava üküm sürgen edi. Sentâbrniñ 26sı gecesi avanıñ bozulması sebebinden Keriç boğazında gemilerniñ qatnavı toqtatılğan edi. Gemilerniñ areket ancaq sentâbrniñ 29nda tekrar canlandırıldı.
