Link açıqlığı

Rusiye «Ğarp-2017»den soñ Beyazrusiyede ordusı qalğanını inkâr ete


Rusiye Mudafaa nazirligi «Ğarp-2107» talimlerinden soñ Beyazrusiyede ordusı qalğanını inkâr ete.

Nazirlik temsilcisi olğan general-mayor İgor Konaşenkov beyan etkenine köre, bütün bölükler özleriniñ devamlı bulunğan noqtalarına qaytqan eken. Bu aqta o sentâbrniñ 30-nda rusiyeli jurnalsitlerge bildirdi.

«Rusiye ordusınıñ bölüklerine kelgende, olarnıñ episi «Ğarp-2017» ortaq strategik talimlerden soñ, özleriniñ devamlı bulunğan noqtalarına qayttı», – dep ayttı o.

Bunıñ arfesinde Ukraina Silâlı quvetleri General Ştabınıñ başlığı olğan Viktor Mujenko «Reuters»ke bergen intervyusında, Rusiye ordusınıñ bir qısmını Beyazrusiyede qaldırıp, tek az bir qısmını keri qaytarğanı aqqında ayttı. O ayrıca, Rusiye ordusını çıqarğanını köstermek maqsadınen, 300-400 km mesafeni keçmek içün pek az vaqıt talap etken aviatsiya bölüklerini öz aerodromlarına qaytardğanı da ilâveetti.

XS
SM
MD
LG