Mahsus Qırım.Aqiqat içün
İşğal altındaki Qırım mahkemesi İlmi Umerovke nisbeten talap etilgen qabaatlavnen muqayese etilgenine köre, daa da ağır bir üküm çıqarmasınıñ manası –qırımtatarlarınıñ eñ meşur liderlerinden birisini ana toprağından quvmaqtan ibarettir. Onıñ apiste tutulması Moskvanı Umerovnıñ sağlığı içün mesuliyetli olmasına mecbur etken olur edi. Şartlı müddet onıñ Qırımda qalmasına sebep olacaq edi. Yaşav tarzındaki koloniya ise, Umerovnı Qırımdan sürgün etmekten başqa fursat bıraqmay.
Ancaq rusiyeli akimiyet olur da, asla körülmegen «gumanizm» olğanını farq etip, Meclis yolbaşçısınıñ muavinini azat etken kibi olsa, o onı, elbette ki, Rusiyeden, demek ki, Qırımdan da uzaqlaştırır. Qırım ve Moskvadaki yañı eykellerde ebediyleştirilgen Stalintekrarlamağa sevgeni kibi - insan yoq ise – problema da yoq demektir.
O ya da bu sebeplerden dolayı apiske oturtmaq ya da öldürilmesinden qorqulğan şahıslarnıñ quvulması - ananeviy sovet taktikasıdır
O ya da bu sebepten dolayı apiske oturtmaq ya da öldürilmesinden qorqulğan şahıslarnıñ quvulması – ananeviy sovet taktikasıdır. Aleksandr Soljenitsın, Nobel mükâfatınıñ laurteatı da SSCBnden sürgün etilgen edi. Andrey Saharov, ekinci Nobel layreatı da Gorkiy şeerine sürgün etilgen edi. Vladimir Putin, ruhuna köre çekist olaraq, cellâtlarğa tsinizm sanatına ögretken firqa hadimi Yuriy Andropovnıñ yahşı bir talebesi olıp çıqtı.
Hususan bu tsinizm sanatı sovetler devrinde ğarp siyasetçilerine Brejnevnen quçaqlaşıp, kommunizm rejimi keçmişte olğanı qadar pek qorqunçlı olmağanını iddia etmege imkân berdi.
Hususan işbu tsinizm sanatı bügünki künde Ğarptakilerniñ ekseriyetine Umerovnıñ davasınen Qırımdaki istilâcı rejimge nisbeten köz yummağa imkân berebilir. Bir de cellâtnıñ tsinik olması, o cellât olaraq qalmaz degen manağa kelmey.
«Fikir» rubrikasında bildirilgen fikir-tüşünceler müelliflerniñ noqtaiy nazarını aks ettirip, muarririyetniñ baqışlarınen bir olmaması mümkün