Link açıqlığı

Ukraina prezidentiniñ Qırım temsilciligi «sıcaq ağ» açtı


Ukraina prezidentiniñ Qırım Muhtar Cumhuriyetindeki temsilciligi bazarertesi künü, sentâbrniñ 25-de, «sıcaq ağ» açtı. Bu aqta temsilcilik saytında haber etile.

Qayd etile ki, «sıcaq ağ» qırımlı ve Qırımdan köçip kelgenlerniñ aq-uquqları ve serbestligine riayet etilmesine yardım etmek, işğal etilgen Qırım, memuriy sıñırnı keçüv, vesiqalarnı resmiyleştirüv, keçiş noqtalarındaki haparcılıq ile meseleler boyunca malümat bermek içün açıldı.

Bağlanacaq telefon nomerası: 0 800 502 192.

Ukraina prezidentiniñ Qırım temsilcisi Boris Babin Qırımnıñ memuriy sıñırınıñ esas Ukraina tarafında qanunsız biznes ilerilegenini bildirgen edi. Onıñ qayd etkenine köre, problemler sentâbrniñ 20-21-de Geniçesk rayonınıñ ziyareti çerçivesinde belli oldı.

Ukrainanıñ vaqtınca işğal etilgen topraqlar meseleleri naziriniñ birinci muavini Yusuf Kürkçiniñ mart ayında haber etkenine köre, Qırımnıñ memuriy sıñırında keçiş noqtalarını abadanlaştırmaq ve Memuriy hızmet merkezini qurmaq içün 300 mln grivna lâzim. Herson vilâyetiniñ Geniçesk rayonı vaqtınca işğal etilgen Qırım ile sıñırda buluna.

Qırım işğal etilgen soñ Ukrainanıñ esas qısmınen yarımada arasında memuriy, aslında tam manada kerçek bir «sıñır» keçirildi. Memuriy sıñırda «Kalançak», «Çongar» ve «Çaplınka» kiriş-çıqış kontrol noqtaları çalışmaqta.


XS
SM
MD
LG