Link açıqlığı

Saatnıñ esas haberi

Qaçırılğan qırımlı Paralamovnıñ anası FSB idaresine çağırıldı


Pakize Paralamova
Pakize Paralamova

Sentâbrniñ 14-de tintüvden soñ qaçırılıp tapılğan qırımlı Renat Paralamovnıñ anası Pakize Paralamova Qırımdaki Rusiye FSB idaresine çağırıldı. Bu aqta advokat Emil Kürbedinov Qırım.Aqiqatqa bildirdi.

Onıñ aytqanına köre, Paralamovanı sentâbrniñ 20-de saat 16:30-da bekleyler. Kürbedinov qayd ete ki, Paralamovnıñ anasına «tam bir şey» haber etilmedi.

«O, (Pakize Paralamova – QA) yarın kimnen laf etecegini tam olaraq aytıp olamayım. Belki de, Palagin (Qırımdaki FSB idaresiniñ yolbaşçısı – QA) degil de, adiy bir FSB hadimi onen subetleşir. Bu körüşüvge men de baracam», – dep ayttı Kürbedinov.

Rusiye küç idareleriniñ izaatları şimdilik yoq.

Sentâbrniñ 13-de saba Qırımnıñ Seitler qasabasında yaşağan qırımlı Renat Paralamovnıñ evinde küç idaresiniñ hadimleri «tedqiqat ve taqiqat areketleri» dep adlandırğan tintüv ötkergen edi. Advokat Emil Kurbedinovnıñ tahminlerine köre, «teşkerüv» Paralamovnıñ diniy saadaki faalliyetinen bağlıdır. Şaatlarnıñ aytqanlarına köre, maska kiygen ve urbasından kim ekenligi belgisiz olğan şahıslar Parlamovnı belli olmağan tarafqa alıp ketken. Keççe belli olğanı kibi, olar onıñ kitap ve notebookını çekip alğanlar.

Paralamov sentâbrniñ 14-de kündüz soy-soplarınen bağlandı. O, Aqmescit avtovokzalında tapıldı. Paralamov «kim olğanı belli olmağan insanlar oña azap çektirgenini, başına çuval kiydirgenini, tok qullanılğanını» tarif etti.

Sentâbrniñ 15-de Paralamovnıñ soy-soplarınen beraber Qırımdaki Rusiye FSB idaresiniñ binası yanında bulunğan advokat Emil Kürbedinovnıñ aytqanına köre, olar FSB binasına kirgenlerden biri Renat Paralamovnıñ qaçırılmasında iştirak etkenini tanığanlar

XS
SM
MD
LG