18-26 sentâbr arasında Rusiye ve Qıtay Tınç deñiz flotu bazasında arbiyler «Deñizde ortaq areket-2017» talimler keçirecek, dep bilidre Rusiye Mudafaa nazirligi.
Haberge binaen, talimde 11 gemi, eki dane suastı gemisi, eki dane teren dalğan qurtaruv apparatı, dört dane yanğın söndürici uçaq ve dört dane gemi vertolötı işrtirak etecek.
Rusiye Mudafaa nazirligi bildirgenine köre, talimler eki basamaqtan yani sail ve deñizde keçecek qısımdan ibaret olacaq.
Eki devletniñ deñiz piyade askerleriniñ talimleriniñ saildeki qısmı 18-21 sentâbr arasında Vladivostokta, Tınç okean flotınıñ «Gornostay» sail ordu poligononda keçirilecek. Deñizde keçirilecek qısmı ise, 22-26 sentâbr arasında Yapon ve Ohotsk deñizleriniñ akvatoriyasında ötkerilecek dep bildirmekte nazirlik.
Al-azırda Rusiye ve Beyazrusiye Ukrainanen bazı Avropa devletlerini raatsızlğan arbiy talimler keçirmekte. «Ğarp-2017» talimleri esasen Ukraina, Litva, Latviya ve Poloniyanen sıñrdaş olğan Beyazrusiyede, qısdmen de Rusiye ve Kaliningrad vilâyetinde ötkerilmelte.
