Link açıqlığı

Ukraina prezidentiniñ Qırımtatar halqınıñ işleri boyunca vekili, Ukraina halq deputatı Mustafa Cemilev sentâbrniñ 12 Salı künü New-Yorkta işini başlatacaq BMT General Assambleyasınıñ 72-nci sessiyasında iştirak etecek olğan ukrain eyyetine kirsetildi.

Umumen ukrain eyyeti terkibinde 10 kişi bar. Eyyetke Ukraina tışqı işler naziri Pavel Klimkin yolbaşçılıq yapmaqta.

Eyyet terkibi ukrain devleti yolbaşçısınıñ resmiy saifesinde derc etilgen Ukraina prezidentiniñ qararınen tasdıqlanmaqta.

Bunıñ arfesi olğan sentâbrniñ 11-nde qırımtatar halqı Meclisiniñ reisi, Ukraina halq deputatı Refat Çuvarov, Ukraina prezidenti Pötr Poroşenkonı New-Yorkta keçirilecek olğan BMT General Assambleyasında yapacaq çıqışında işğal altındaki Qırımda Rusiye, Meclisniñ faaliyeti canlandırılmasınen bağlı BMT Halqara mahkemesiniñ qararını yerine ketirmegenini urğulamasına çağırğan edi.

BMT Genassambleyasınıñ 2-nci sessiyası sentâbrniñ 12-nde açılacaq. Beklenilgenine köre, sentâbrniñ 19-nda Poroşenko anda çıqış yapıp, Donbassqa BMT barıştırıcılarınıñ kirsetilüvinen itimalinen bağla maruzasını oquycaq.

XS
SM
MD
LG