Link açıqlığı

Umerov: maña qarşı cinayi iş toqtatılıp, taqiqatçı ve ekspertke qarşı açılmalı


Qırımtatar halqınıñ liderlerinden biri İlmi Umerov Kremlge tabi olğan Aqmescit rayon mahkemesinde baqılğan cinaiy iş oña qarşı uydurılğanını bildirdi. Bu aqta o Facebookta yazdı.

«Siyasiy baqışlarımımdan sebep maña qarşı cinaiy iş açıldı, men Qırımda Rusiye uquqını, 2014 senesiniñ referendumını ve sözde Qırım Cumhuriyetiniñ Rusiye Federatsiyasına qoşulmasını tanımayım. Lâkin fikir içün mahküm etmeyler. Aynı bu sebepten «dava» uydurılğan. Adalet olsa, maña qarşı cinaiy iş toqtatılıp, taqiqatçı ve ekspertke qarşı açılmalıdır», – dep qayd etti Umerov.

Sentâbrniñ 6-da mahkeme Ukraina milliy ilimler akademiyasınıñ lingvistik ekspertizasını «Umerovnıñ davasına» qoşmadı.

2016 senesi FSB taqiqatçıları İlmi Umerovqa qarşı ekstremizm maddesi boyunca cinaiy iş açqan edi. Qırımtatar milliy areketiniñ belli iştirakçisi, qırımtatar Meclisi reisiniñ muavini olğan İlmi Umerovnıñ tutulıp alınuvı, evindeki tintüv ve oña qarşı cinaiy işniñ açılması, mecburiy surette mahkeme-psihiatrik ekspertizanıñ keçirilmesi içün onıñ delihanege yerleştirilmesi – cemiyette ve dünyada rezonans çıqarğan edi.

İlmi Umerovnıñ özü bu mahkeme davası sımarışnen yapılğanını, ükümi ise – evelden belli olğanını tüşüne ve taqiqatçılar, stenogramma kibi tanıtılağan sözme-söz tercimeniñ lisaniy ekspertizasını qullanıp, añlamlarnı qarıştırğanını ayta.

XS
SM
MD
LG