Qırımtatar asıllı ukrain yırcısı Jamala «Sumuyu» yırınıñ klipini taqdim etti. Klip sentâbrniñ 7-de, cumaaqşamı künü, taqdim etildi, dep bildire ukrain yırcısınıñ matbuat hızmeti.
Rejisser İgor Stekolenko oldı. O, Jamalanıñ I Believe in U yırınıñ klipini ve ukrain ve çetel sanatkârları, şu cümleden «Okean Elzı» ve Brutto içün yüzden ziyade klip çıqarğan.
Levha eki künde Portugaliyada çıqarıldı.
«Sumuyu» yırınıñ muzıkası ve metni Jamalağa ait. «Lübıtı» yırınıñ muzıkasını yırcı özü yazdı, metni üzerinde ise yazıcı Viktoriya Platovaya da çalıştı.
2017 senesi mayıs ayında Jamala I Believe in U yırınıñ klipini taqdim etti. Onı da Portugaliyada çıqarğan edi.
Qırımtatar asıllı ukrain yırcısı Jamala 2016 senesi İsveçiyada «Eurovisionda» ğalebe qazandı. O, qırımtatar sürgünligini ikâye etken «1944» yırını icra etken edi.
