Link açıqlığı

«Umerov davasınıñ» mahkemesinde şaat diñlenecek ve davağa alternativ ekspertizanıñ qoşulması rica etilecek


İlmi Umerov

Qırımtatar halqınıñ liderlerinden biri İlmi Umerovnıñ sentâbrniñ 6-da Aqmescitte keçirilecek mahkeme oturışında imaye tarafınıñ şaatı diñlenecek ve advokatlarnıñ davağa alternativ ekspertiza qoşulmasına dair muracaatı berilecektir. Bu aqta qabaatlanğannıñ qızı Ayşe Umerova Qırım.Aqiqatqa tarif etti.

«Daa bir şaatımız qaldı, onı yarın qırımtatarca diñleycekler. İmaye tarafı yazma delillerniñ berme tertibini taqdim etip, Kyivde İlimler akademiyasınıñ bölüklerinden birinde yapqan alternativ ekspertizanıñ qoşulmasını isteycek», – dep ayttı Ayşe Umerova.

İlmi Umerov davasınıñ keçken mahkeme oturışında imaye tarafınıñ dört şaatı onıñ nutqunda bir de bir areketke çağıruv olmağanını aytıp, FSB sımarlağan tercime tam degil, dep qayd etken edi.

2016 senesi FSB taqiqatçıları İlmi Umerovqa qarşı ekstremizm maddesi boyunca cinaiy iş açqan edi. Qırımtatar milliy areketiniñ belli iştirakçisi, qırımtatar Meclisi reisiniñ muavini olğan İlmi Umerovnıñ tutulıp alınuvı, evindeki tintüv ve oña qarşı cinaiy işniñ açılması, mecburiy surette mahkeme-psihiatrik ekspertizanıñ keçirilmesi içün onıñ delihanege yerleştirilmesi – cemiyette ve dünyada rezonans çıqarğan edi.

İlmi Umerovnıñ özü bu mahkeme davası sımarışnen yapılğanını, ükümi ise – evelden belli olğanını tüşüne ve taqiqatçılar, stenogramma kibi tanıtılağan sözme-söz tercimeniñ lisaniy ekspertizasını qullanıp, añlamlarnı qarıştırğanını ayta.

XS
SM
MD
LG