Ukraina devlet sıñır hızmeti hadimleri qayd etkenine köre, Qırım memuriy sıñırındaki «Çaplınka» keçiş noqtasınıñ qapatılması diger keçiş noqtalarındaki vaziyetke ne tesir eter, ne de tıqanıqlıq yaratır. Bu aqta Qırım.Aqiqatqa bergen izaatında hızmet yolbaşçısınıñ yardımcısı Oleg Slobldyan söz yürsetti.
«Andaki trafik şiddetli olmağanı içün, keçiş noqtasınıñ qapatılması umumiy vaziyetke tesir etmez. Yaz aylârında transport vastaları esasen «Çonğar»da toplanğan edi ve ekseriy allarda bu tıqanıqlıq işğalciler tarafından, Qırımğa ketkelerniñ sayısı çoq olğanını köstermek maqsadınen suniy olaraq yapılğan edi», – dep ayttı Slobodyan.
Ukraina prezidentiniñ daimiy temsilcisi olğan Boris Babin sentâbrniñ 6-nda «Çaplınka» keçiş noqtasınıñ qapatılmasınen bağlı teşebbüsini bildirgen edi.Onıñ qayd etkenine köre, mesele «hususan telikesizlik bölügindeki mesül sımalarnen tarafından tasdıqlanğan eken».
Qırım işğal etilgen soñ Ukainanıñ esas qısmınen yarımada arasında memuriy, aslında tam manada kerçek bir «sıñır» keçirildi. Memuriy sıñırda «Kalançak», «Çongar» ve «Çaplınka» kiriş-çıqış kontrol noqtaları çalışmaqta.
