Link açıqlığı

Rusiye tarafından yapılğan şantaj devri bitti – Poroşenko


Sentabrniñ 7-nde Ukraina prezidenti Pötr Poroşenko er yıl Ukraina Yuqarı Şurasında yapqan muracaatında devlet, Rusiyeniñ Ukrainağa qarşı başlatqan arbiy tecavuzından evel Moskva Kyivge nisbeten esas alet olaraq qullanğan «gaz şantajını» bitirgenini beyan etti.

«Noyabr ayında (2017 senesi –QA) Ukrainanıñ Rusiyeden gaz satın almamaqnı toqtatqanına eki yıl tola. Gaz şantajı yapılğan devir keri qaytmamaq şartınen keçmişte qaldı», – dep qayd etti Poroşenko.

«Naftogaz Ukraina» ve «Gazprom» sözleşmesi boyunca Rusiyeden gaz italâtı 2015 senesi noyabrniñ 25-nde toqtatılğan edi. Resmiy olaraq «Gazprom»dan gaz satın almaqtan vazgeçilgenini ukrain tarafı fiyatınıñ qabul etimeycek derecede yüksek olğanını sebep etip köstergen edi.

2016-2017 isitüv sezonında Ukraina 6,7 milliard m3 gaz qullanğan edi. Gaz çeküv toqtatuv anından itibaren yerastı gaz anbarlarında 8 milliard m3 ziyade yaqıt mevcut edi.

2017 senesi sentâbr ayınıñ başı itibaren Ukraina özüniñ yerastı gaz anbarlarına 15 milliard m3 gaz toplağan edi, bu ise, devletniñ evelki isitüv sezonına kiriş miqdarını ozıp keçkenini köstere.

XS
SM
MD
LG