Link açıqlığı

Qırımtatar ve ukrain sanatkârları Tbilisi şeer şurasında çıqışta bulundılar


Ukrain ve qırımtatar sanatkârları Gürcistandaki Ukraina elçisinen, 2017 senesi sentâbr 5 künü

Sentâbrniñ 5-de Tbilisi şeer şurasınıñ binasında Ukraina Mustaqilliginiñ 26-ncı yıllığı ve Gürcistan ile diplomatik munasebetler tiklenmesiniñ 25-inci yıllığı munasebetinen kerçekleştirilgen tantanalı merasimde qırımtatar ve ukrain sanatkârları çıqışta bulundı. Bu aqta Ukraina medeniyet naziriniñ mesleatçısı Esma Aciyeva Qırım.Aqiqatqa bildirdi.

Onıñ aytqanına köre, Ukrainanı «Badem» qırımtatar oyun ansambliniñ iştirakçileri, yırcı Aliye Hacabadinova ve çalğıcı Marina Krut temsil etkenler.

Nazir mesleatçısınıñ qayd etkenine köre, musafirlerni elçi İgor Dolgov, Gürcistan baş naziri, ükümet, parlament azaları ve memleketniñ Silâlı quvetleri reberligi qarşıladı.

Elnara Halilova esas Ukrainada qırımtatar medeniyetine qoltutmaq ve onı inkişaf ettirmek içün bir qaç yıl evelsi Kyivde «Badem» qadın-qızlar ansamblini qurdı. Qırımtatar oyun ansambli öz milliy kimligini ve medeniyetini saqlap qalmağa tırışa.

XS
SM
MD
LG