Link açıqlığı

Qırımdaki mahkeme «mayıs 3 davasınıñ» mabüsi Tair Smedlâyevniñ şartlı ükmüni lâğu etti – advokat


Tair Smedlâyev, arhiv fotoresimi

İşğal etilgen Qırımnıñ Kremlge tabi olğan İslâm Terek rayon mahkemesi avgustnıñ 4-de «mayıs 3 davasınıñ» mabüsi Tair Smedlâyevniñ imayesi bergen şartlı ükümni lâğu etme muracaatını qanaatlendirdi. Bunı advokat Edem Semedlâyev Qırım.Aqiqatqa bildirdi.

«İslâm Terek rayon mahkemesi onıñ şartlı ükmüni lâğu etme muracaatımıznı baqtı. Qadı bizim delillerimizge emiyet berdi, muracaatımıznı qabul etip, Tair Smedlâyevniñ şartlı cezasını lâğu etti», – dedi Semedlâyev.

2015 senesi dekabr ayında işğal etilgen Qırımnıñ Ermeni Bazar şeer mahkemesi «mayıs 3 davasınıñ» mabüslerinden biri Tair Smedlâyevni eki yılğa şartlı olaraq apiske aldı.

Qırımtatar faali Tair Smedlâyev Rusiye uquq qoruyıcıları tarafından 2014 senesi oktâbrniñ 22-de Eski Qırımda tutulğan edi. 2014 senesi dekabr ayında onı kefalet altında aldılar. Tair Smedlâyev qırımtatar milliy areketiniñ faali Zair Smedlâyevniñ qardaşıdır.

«Mayıs 3 davası» 2014 senesiniñ vaqialarından soñ açıldı. O vaqıt Qırım kişirinde qırımtatarlarnıñ milliy lideri Mustafa Cemilev qarşılanğan edi. Bir qaç biñ qırımtatar onı qarşılamağa çıqtı. Kremlge tabi olğan Qrım akimiyeti buña açuvlanıp, para cezalarını bermege, tintüv keçirmege ve faallerni tutmağa başladı.

XS
SM
MD
LG