Litvaniya parlamentiniñ spikeri Viktoras Pranckietis sentâbrniñ 1-de Herson vilâyetiniñ Novoalekseyevka qasabasını ziyaret etir, qırımtatarlarnı Qurban bayramınen hayırladı. Bu aqta Herson vilâyeti devlet memuriyetiniñ saytında aytıla.
«Çoq aytmağa kerekmey. Dost olıp, güzel kelecek olması içün beraber küreşmek kerek. Bir keçmişimiz bar, men bellesem, aydın kelecegimiz de olur», – dep qayd etti Pranckietis.
Sentâbrniñ 1-de Novoalekseyevkada esas Ukrainadaki ilk qırımtatar sınıfı açıldı. Tedbirni akimiyet, Qırımtatar Milliy Meclisi ve Türkiyedeki qırımtatar diasporasınıñ vekilleri ziyaret etti.
Yerli meclisniñ malümatına köre, Herson vilâyetinde 10 biñden ziyade qırımtatarı yaşay. Ekseriyeti Geniçesk rayonında otura.
Cuma künü, sentâbrniñ 1-de, dünya musulmanları Qurban bayramını qayd ete. Qırımtatarları bayramnı işğal etilgen Qırımda ve Ukrainanıñ ana qısmında qayd eteler.
Qurban bayramı – musulmanlarnıñ eki büyük bayramından biridir. O, acılıq yekünlengenini ifadelemekte. Oraza bayramından 70 kün keçken soñ qayd etile.
