Link açıqlığı

Qırımda silâlı hızmetler Kiyev Patriarhatınıñ kilsesini qapattı – arhiyepiskop Kliment


Qırımda avgustnıñ 31-nde Rusiye silâlı hızmetleri Kiyev Patriarhatı Ukraina Ortodoks Kilisesine ait olğan Aqmescitteki katedral kilseni qapattı. Bunı Qırım.Aqiqatqa Aqmescit ve Qırım arhiyepiskopı Kliment bildirdi.

Arhiyepiskopnıñ sözlerine köre, o kilsege yiberilmey.

«Saba saat 10-da icracı hızmeti kilsege kirdi, birinci qatnın qapılarını bozdı, ekinci qatta mihrabnıñ qapısı qırıldı, kelgenlerge kiriş qapalğan. Birinci qatnıñ odaları, kira añlaşmasına binaen, Yeparhiyanıñ idaresine ait olğanına dair deliller keçmey. Olar mahkemeniñ bazı qararlarını köstere, olarğa binaen Ruhaniy merkez binanı terk etmeli, albu ki Ruhaniy merkez endi eki yıldan berli Yeparhiya idaresinde mevcut degil», – dedi o.

«Milliy gazeta-mecmua neşriyatı» Devlet müessisesiniñ müdiri Andriy Şçekun Qırım.Aqiqatqa bildirdi ki, Qırımda ukrain kilsesiniñ ibadethanesine zarar berildi.

«Kilitler üzülgen, barbarlar ibadethanege kirip mihrabnı qıra, ikonalar musadere etile», – dedi Şçekun.

İcracı hızmetinde bu adise aqqında izaat berilmedi. Qırım.Aqiqat vaqianıñ tafsilâtını ögrenmekte.

Qırım istilâsından sıñ Kremlge tabi olğan akimiyet Kiyev Patriarhatı Ukraina Ortodoks Kilisesine ait kilseniñ bir qısımını zapt etti ve kilseniñ bazı odalarını icarege tüşürmek içün yarış ötkerdi. Kiyev Patriarhatı Ukraina Ortodoks Kilisesiniñ Aqmescit ve Qırım arhiyepiskopı Kliment, dünya toplulığına muracaat etip, Qırımda Ukraina vatandaşlarınıñ milliy, medeniy ve diniy aqlarını qorumağa çağırdı.

Qırım ve Aqyarda ortodoks hristian kilseleriniñ çoqusı Moskva Patriarhatı Ukraina Ortodoks Kilisesine tabi olğan.

XS
SM
MD
LG