Link açıqlığı

Saatnıñ esas haberi

Saudiy Arabistanda acılıq başlana


Numünelik resim
Numünelik resim

Bütün dünyadan kelgen eki millionğa yaqın musulman avgustnıñ 30-da Saudiy Arabistanda yerleşken islâm dünyasınıñ eñ muqaddes yerlerine acılıqqa başlay.

Acılar beş kün devamında ibadet qılacaqlar. Mekkedeki Kâbeniñ etrafını yedi kere aylanıp çıqacaqlar.

Acılıq islâmnıñ beş farzından biridir. Onı imkânı olğan er bir musulman ayatında eñ azından bir kere yerine ketirmeli.

Bu sene tahminen 90 biñ iranlınıñ acılıqqa kelmesi beklenile. 2016 senesi eki yıl evelsi olğan ücümge cevap olaraq boykot ilân etilgen edi. O vaqıt eki biñden ziyade insan elâk oldı.

Bu sene acılıq Katar ve diger arap memleketleri, şu cümleden Saudiy Arabistan arasındaki diplomatik buhran vaziyetinde keçe. Soñki yıl içinde «İslâm devleti» ekstremist teşkilâtı bir vaqıtları İraq ve Suriyede kontrol etken topraqlarından marum qaldı.

XS
SM
MD
LG