Link açıqlığı

Saatnıñ esas haberi

Freedom House Qırımsız harita aqqında: bu topraqlarnıñ siyasiy bağı degil, azatlıq seviyesidir


Freedom House teşkilâtınıñ «Dünyadaki azatlıq – 2017» leyhasında harita
Freedom House teşkilâtınıñ «Dünyadaki azatlıq – 2017» leyhasında harita

Freedom House uquq qorçalayıcı teşkilâtınıñ Qırımnı esas Ukrainadan ayırğan haritası topraqlarnıñ siyasiy bağını degil de, dünyadaki azatlıq ve demokratiya seviyesini aks etmekte. Bunı Freedom House uquq qorçalayıcı teşkilâtınıñ Ukrainadaki koordinatorı Zorân Kis avgustnıñ 28-nde ayttı.

«Bu siyasiy harita degil de, azatlıq ve demokratiya seviyesiniñ haritasıdır. Freedom Houseniñ fikiri deñişmey qala: Qırım – Ukrainadır. Mında bir munaqaşa bile olamaz... Qırım Rusiye tarafından kontrol etile, anda Rusiye qanunları çalışa, Rusiyeniñ sözde uquq qoruyıcı organları çalışa. Buña köz yummağa kerekmey. Bu sebepten biz Qırımnı em Ukraina, em de Rusiyeden ayrı kösterdik», – dedi Kis.

Bundan evel Ukraina ve Rusiye kütleviy haber vastaları Ukrainadaki Freedom House uquq qorçalayıcı teşkilâtı Qırım Rusiye terkibinde kösterilgen dünya haritasını esabatında qullandı, dep bildirgen ediler.

2017 senesi fevral ayında böyle bir qavğa endi olğan edi.

XS
SM
MD
LG