Link açıqlığı

Avropa komissiyasınıñ yolbaşçısı AB Rusiyenen dialog qıdırması, lâkin Qırım aqqında unutmamasına çağırdı


Avropa komissiyasınıñ reisi Jan-Claude Juncker AB özüniñ Rusiyenen olğan munasebetleriniñ eyileştirilmesi aqqında tüşenmeli dep tüşüne. Ancaq bu arada Avpora qıymet ve printsiplerine de riayet etmeli ki, işğal altındaki Qırım meselesi de şu cumledendir.

Bu aqta Juncker avgustnıñ 29-nda AB Brüsselde keçken diplomatik temsilcilikler yolbaşçılarınıñ körüşüvinde beyan etti.

«Men bellesem, biz Rusiyenen aramızdaki munasebetlerni eyileştirilmesi aqqında tüşünmelimiz. Bu mesele Rusiyege bağlı. Lâkin bizim meselemiz de ola. Kelecek asırlarda Avropa havfsızlığı Rusiyesiz olması mümkün degil. Avropa Birligi 5,5 mln km kare ise, Rusiye öz başına 17,5 km kareni teşkil etmektedir. Başqa meseleler de barmı? Onıñ içün bizler öz qıymet ve printsiplerimizden vazgeçmeden (Qırımnıñ işğal etilmesi ve saire kibi), Rusiyenen aramızda kelecegimiz içün uyğun olacaq bir diskurs taplamılız», – dedi Juncker.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG