Link açıqlığı

Ukrainada Qırım ve Donbasstan köçip kelgenlerniñ sayısı eksile – İçtimaiy siyaset nazirligi


Ukrainada 2017 senesi avgustnıñ 28-ne qadar kontrol etilmegen Donbass ve işğal etilgen Qırımdan memleket içinde köçip kelgen 1 mln 586 biñ 135 kişi ya da 1 mln 276 biñ 900 qoranta qayd etilgen. Bunı Ukraina İçtimaiy siyaset nazirliginiñ matbuat hızmeti avgustnıñ 28-nde haber ete.

Mart ayında Ukraina içtimaiy siyaset nazirligi memleket içinde köçip kelgen 1 mln 623 biñ 726 insan ya da 1 mln 308 biñ 16 qoranta aqqında haber etken edi.

«2017 senesi avgustnıñ 28-ne qadar yardım alğanlarğa 1 mln 889 biñ 570 grn maliye etilgendir», – dep aytıla Ukraina nazirliginiñ haberinde.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG