Krasnodar ülkesinde (Rusiye) deñizge tüşken avtobusta elâk olğan insanlarnıñ sayısı 19-ğa qadar arttı, dep bildirdi Krasnodar ülkesiniñ memuriyeti avgustnıñ 28-de, bazarertesi künü, «İnterfaks» agentligine.
«Qaza neticesinde 19 insan elâk oldı, birisi Krasnodar ülkesiniñ hastahanesinde can berdi», – dep qayd etti memuriyet.
Avgustnıñ 25-nde saba Rusiyeniñ Krasnodar ülkesinde işçiler tolu avtobus deñizge tüşti. Qaza qurbanları arasında qırımlılar da bar.
Rusiye Fevqulâde vaziyetler nazirliginiñ qayd etkenine köre, qazanıñ Qırım köprüsi ile iç bir alâqası yoq. Belli olğanı kibi, avtobus ZAO «Tamanneftegaz» işçilerini taşığan edi. Avgustnıñ 26-nda Rostransnadzor avtobusnıñ deñizge tüşmesiniñ sebebi naqliyatnıñ çana sistemasınıñ bozulğanı olğandır, dep bildirdi.
Rusiye taqiqatçıları yol qaideleriniñ bozulması ve havfsızlıq talaplarına riayet etmegen hızmet kösterilmesi maddesi boyunca cinaiy iş açtı. Avgustnıñ 26-nda, cumaertesi künü, deñizge tüşken avtobusnıñ aydavcısı apiske alındı.
