Link açıqlığı

Saatnıñ esas haberi

Volker: Ukraina NATO boyunca özü qarar berir, lâkin şimdilik alyansqa kirmege azır degil


Kurt Volker
Kurt Volker

Ukraina boyunca ABD Devlet departamentiniñ hususiy temsilcisi Kurt Volker, devlet daa NATOğa kirmege azır degil, bir de aza olmasına davetname alması da pek yaqın degil dep bildirdi.

Avgustnıñ 25, Cuma künü aşikâr etilgen «Pryamoy» telekanalına bergen intervyusında, Volker NATOğa kiriş azırlıqlarınıñ müddeti uzun sürgenini qayd etti. Aynı zamanda o, Ukraina hususan telükesizlik saasınen bağlı olğan islaatlar keçireceginden emin olğanını bildirdi.

Hususiy temsilci qayd etkenine köre, soñki qararnı Kyiv berecek ve ABD, Rusiye ve başqaları onıñ bu qararına sayğı duymaq kerek.

Ayrıca Volker Kyivniñ 1994 senesi özek silâdan vazgeçüv qararına maqtap,«Men bellesem, özek silâ Ukraina içün musbet bir şey ketirmez edi», dep ayttı.

Beyazrusiyede 14-20 sentâbrde ötkerilecek Beyazrusiye-rusiye ortaq arbiy talimlerinen bağlı suallerge cevap bergende, hususiy temsilci «Ğarp-2017» talimleri, ğarp devletleri öz telükezislik sistemasını beraber ileriletip, er türlü stsenariyge azır olmaq kerek olğanlarını köstergeni aqqında söz yürsetti.

İyülniñ 6-nda prezident Pötr Poroşenko, iyünniñ 8-nde Yuqarı Şura tarafından qabul etilgen Ukrainanıñ tışqı siyasiy yönelişinen bağlı qanunnı imzaladı. Bu vesiqa Ukrainanıñ NATOğa kirişini birincilik dep saya.

XS
SM
MD
LG