Ukraina prezidenti Pötr Poroşenko yırcı Jamalanı, avgustnıñ 27-nde qayd etken doğğan kününen hayırladı. Hayırlavını devletniñ yolbaşçısı Facebooktaki saifesinde yerleştirdi.
«Jamala, bütün dünyadaki insanlarnıñ göñlüni kötergen türküleriñ içün sağ ol. Doğğan künüñ hayırlı olsun», – denilmekte hayırlavda.
Jamala – qırımtatar asıllı ukrain yırcısı. Avgustnıñ 27-nde o 34 yaşını toldura.
2016 senesi Jamalanıñ qırımtatarlarınıñ sürgüni aqqındaki «1944» adlı türküsi İşveçte keçken «Eurovision» yır konkursında oña ğalebe qazandırğan edi.
