Avgustnıñ 28-nde «Krımgazseti» işhanesi Titova soqağında yerleşken balalar bağçasında tamir işleri keçireceginden dolayı, Canköyniñ bir qısmı qazsız qalacaq. Bu aqta şeernñ rusiyeli memuriyeti bidirmekte.
«Saat 8.00-17.00 arasında Stroitelnaya, Nahimova, Şorsa, Kraynyaya, Kolhoznaya, Zapadnaya, Yujnaya, Dalnaya soqaqlarında dağıtuv gaz borularına gaz berilüvi toqtatılacaq», – denilmekte haberde.
Şeer memuriyetiniñ malümatına köre, işler bitirilgeninen mesken evlerge gaz tekrar berilip başlaycaq.
«Krımgazseti» işhanesi «milliyleştirme» vastasınen 2014 senesi sentâbrniñ birinde ukrain PAO «Krımgaz» yerine açılğan edi. Kreml nezaretindeki yarımada yolbaşçısı Sergey Aksönov Qırımnıñ «Krımenergo», «Krımgaz», «Ukrtelekom» yerli bölügi kibi strategik işhanelerniñ«milliyleştirlmesini» «mecburiy adım» dep adlandırğan edi.
