Link açıqlığı

Saatnıñ esas haberi

Musulmanlar Qurban bayramına azırlana – Qırım müftiyatı


Qırım ve Aqyar musulmanları diniy idaresi eñ büyük musulman bayramlarından biri olğan Qurban bayramına bağışlanğan tedbirler planı aqqında ilân etti.

Böyleliknen sentâbrniñ 1 saat 7:00 Qırımnıñ bütün camilerinde bayram namazı ötkerilecek. Aqmescitteki profsoyuzlar medeniyet Sarayında keçirilecek. Bayram hutbe oqup, bayram namazını Qırım musulmanlarınıñ diniy lideri acı Emirali Ablayev qıldıracaq.

Sentâbrniñ 4, bazaertesi künü Qırımda bayram künü ilân etildi.

Qurban-bayramı – Mekkege yapılğan acılıqnıñ yekünlengenini nişanlağan musulmanlarnıñ eñ büyük bayramlarından biri esaplana. İbraim peyğamber qurban ketirilgeni munasebetinen Oraza-bayramından soñ 70 kün keçkeninde qayd etile.

2014 senesi Rusiyeniñ Qırım işğalinden soñ QAMDİ yapqan areketlerini Meclis ile muzakere etmey. 16-17-nci yanvarda Herson vilâyetiniñ Geniçesk rayonında olıp keçken Dünya qırımtatar kongressi icra şurasınıñ toplaşuvında esas Ukrainada Müftiylik qurulasınen bağlı qarar alındı.

2016 senesi noyabrniñ19-da 14 qırımtatar din cemiyeti Kyivde toplaşıp, müftiylik qurdılar.

XS
SM
MD
LG