Link açıqlığı

Çubarov: Rusiye Qırımnı istilâ etmesi ukrainalılarnı yekâne siyasiy millet olaraq birleştirdi


Rusiye tarafından Ukrainanıñ istilâsı ve işğal altındaki Qırımdaki repressiyalar ukrainalılarnı yekâne siyasiy millet olaraq birleştirdi, dep qayd etti avgustnıñ 23-nde Ukraina milliy bayrağı munasebetinen aytqan tebrik sözünde, qırımtatar halqı Meclisiniñ reisi Refat Çubarov.

«Rusiyeniñ Ukrainanı istilâ etmesi neticesinde soñki yıllardaki qorqunç sınavlar, biñlerce insannıñ ölümi, vaqtınca işğal etilgen Qırımdaki qırımtatarları ve ukrainlerniñ er kün repressiyalarğa oğratılması ve taqip etilmesi, çeşit din ve millet mensübi olğan biz, Ukraina vatandaşlarını, yekâne siyasiy millet olaraq birleştirdi. Yaqın bir zamanda Ukraina ve qırımtatar milliy bayrağı rusiyeli işğalcilerden azat etilgen Qırım üzerinde dalğalanacağında iç bir türlü şek-şübe yoqtır», – denilmekte Çubarovnıñ Facebooktaki haberinde.

Bunıñ arfesinde Ukraina prezidenti Pötr Poroşenko yurtdaşlarını devlet bayrağı Kününen hayırlayaraq, «mavılı-sarılı bayrağımız Donetsk, Lugansk, Aqmescit ve Aqyar üzerinde yükselecegini» qayd etti.

Ulkraina Devlet bayrağı Künü –Ukraina devlet timsalleriniñ birine bağışlanğan devlet bayramı. Er yıl avgustnıñ 23-nde qayd etile.

XS
SM
MD
LG