2017 senesiniñ ilk yarısında Aqyarda 35 kişi öz özüni öldürgeni, 2016 senesine nazaran 46% artqanını köstere. Bunı Sevastolopolstat esabatına esaslanaraq «İhtarlar» neşiri bildirmekte.
Aynı zamanda neşirniñ malümatına köre, 2016 senesi birisiniñ zorbalığından 7 insan öldürilgen olsa, 2017 senesiniñ ilk yarısında, artıq 10 kişi öldürilgen, yani öldirilüv sayısı 43% artqan.
Ayrıca «İhtarlar» yazğanına köre, infektsion ve parazit hastalıqlar sebebinden ölgenlerniñ sayısı 5% artqan (2016 ve 2017 seneleri sirasınen 60 ve 63 ölüm).
Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
