Link açıqlığı

Qırımnıñ taşınmaz mallarını rusiyeliler satın ala, fiyatlar tüşe – riyeltor


Qırımda taşınmaz mallarnıñ fiyatı tüşip başlay, amma buña baqmadan qomşu Rusiye sakinleri faal bir sürette işğal etilgen yarımadada ev satın alalar. Bu aqta Qırım.Aqiqat.Radiosınıñ efirinde Aqyarlı «Multidom»taşınmaz mallar satış agentliginiñ müdiri Natalya Massalskaya ikâye etti.

«Mendeki malümatqa köre, Qırımdaki kvartiralarnıñ aman-aman yarısınıñ müşterisi esas Rusiyeden kelgen yalıñız Moskva ve Sankt-Peterburglılar degil de, kiçik şeerlerden kelgenler de bar. Ekseriyet işi mında olğanı, pensiyağa çıqqanı, daa da yımsaq iklim qıdırğanı ve saire sebeplerden dolayı köçe. Lâkin buña baqmadan fiyatlar artmay, aksine, 1-2 faiz tüşe», – dep qayd ete riyekltor.

«Best-Krım» taşınmaz mal satış agentliginiñ idarecisi Yelena Slüsarçuknıñ tahminlerine binaen, Qırımdaki kvartira fiyatları Keriç boğazındaki köpürniñ qurulışı bitmesi sebebinden artması mümkün.

«Taşınmaz mal fiyatları, Qırım köpürüniñ qurulışı bitecegine yaqın ya da bitken soñ artması mümkün. Şimdilik insanlar bu sebepten qasevetlene. Ondan da ğayrı yüksek reqabet te fiyatlarnı köterilmemesinde rol oynay. Müşteriler adet-üzre kvartiralarnı güzel tamir etilgen yañı qurulğan evden almağa isteyler», – dep yekünley riyeltor.

Yaqında Rusiyeniñ KHV derc etkenine köre, ekseriy allarda Qırımdaki taşınmaz mallar moskvalılarnıñ diqqatını çeke – olar yarımadada satılğan kavrtiralarnıñ 40 faizini satın alalar.

Qırımlı riyeltorlar iyün ayında ekinci el evlerniñ fiyatı tüşkenini qayd etken ediler. Rusiyeli KHV bidirgenine köre, ekspertler işğal altındaki Qırımnıñ bütün şeerlerindeki fiyatlar tüşkenini qayd etkenler. RBK haber etkenine köre, Qırımda ekinci el kvartiralarnıñ ortalama fiyatı 2,8 faiz, yañı soylarınıñ ise- 3,4 faiz tüşken. Eñ paalı şeer olaraq Yalta, eñ ucuz olaraq Bahçasaray qalmaqta.

XS
SM
MD
LG