Link açıqlığı

Avgustnıñ 20-nde Rusiyeniñ Rostov-na-Donu şeerinde «Otkrıtaya Rossiya» (Açıq Rusiye) cemaat areketiniñ yerli bölügi tarafından teşkil etilgen «Biz –Rusiyeniñ vatanperverleri olamız!» adı altında bir miting ötkerildi. Azatlıq Radiosı bildirgenine köre, tedbir iştirakçileri vatanperverlik şiarlarını seslendirerek, Rusiyeniñ şimdiki akimiyetini tenqit etti.

Mitingte muhalefetçi Aleksey Navalnıynıñ regional ştabı, PARNAS ve «Grajdanskaya oborona» (Vatandaşlıq mudafaası) siyasiy firqalarnıñ faalleri iştirak etti. Teşkilâtçılar mitingni 1991 senesi avgust ayında Moskvada demokratik deñişmelerge qarşı çıqqan GKÇP (Fevqulâde vaziyet boyunca devlet komiteti) teşkil etken nevbetteki yıllığına bağışladı.

Lenin meydanındaki miting politsiya hadimleri nezareti altında keçti. Tedbir eki saat qadar devam etti.

XS
SM
MD
LG