Link açıqlığı

İctimaiy ağda Qırımda sel sebebinden çıqqan büyük araba qazasınen bağlı video peyda oldı


2017 senesi avgustnıñ 18-nde Sudaq yolundaki araba qazası

Youtube’da Sudaq yolunda sel sebebinden çıqqan büyük araba qazasınen bağlı video peyda olğan. Video Krımskiy mir qullanıcısınıñ kanalında derc etilgen. Çekilgen kadrlarğa istinaden 30 dane maşna zarar körgeni belli. Sel sebebinden bazı maşnalar biri-biri üstüne mingeni körüne. Maşnalarnıñ ekseriyetini sel arıq içine yuvıp tüşürgen.

Rusiye MÇS hizmeti Qırım idaresiniñ matbuat hızmeti bergen malümatqa köre, qazaavgustnıñ 18-nde Sudaq yolunıñ 18-nci km yerleşken Daçnoye köyü civarlarında yüz bergen. Qurtarıcılarnıñ sözlerine binaen, bu qaza dağlardan engen küçlü suvlı-çamurlı sel sebebinden olğan.

Qurtarıcılar afat yüz bergen yerge kelip çıqqanlarında, suvlı-çamurlı sel aqqan vaqıtta tıqanıqlıqta turğan maşnalarnı suv basqanı ve suv darbesi neticesinde olar işten çıqqanı aqqında belli oldı. MÇSniñ matbuat hızmeti bergen malümatqa köre, qırımlı qurtarıcılar zarar körgen vatandaşlarnı qurtarıp, qazanıñ neticeleri temizlengence, «Sudaq» turistik-tedavi kompleksine yerleştirgenler.

Bunen beraber Rusiye MÇS Qırım şubesiniñ hadimleri tarafından yolnıñ maşnalar areket etken qısmı takelaj donatma yardımınen temizlengen.

XS
SM
MD
LG