Link açıqlığı

Avgustnıñ 18-den 19-na keçer gecesi «Gruşevka-Sudaq» yolu üzerinde küçlü suvlı-çamurlı sel 15 danege yaqın maşnanı sürüp alıp ketken. Bu aqta Rusiye MÇS hizmeti Qırım idaresiniñ matbuat hızmeti bildirmekte.

«Qıyın ava şartları neticesinde «Gruşevka-Sudaq» yolunıñ18-nci km Daçnoye köyü civarlarında küçlü suvlı-çamurlı sel yol üzerine aqıp kele. Vaqia neticesinde 15 danege yaqın maşna yol tışına çıqıp ketkeni sebebinden, Rusiye MÇS hızmetiniñ yardımına ihtiyaç doğa. Aynı zamanda arasında 38 bala olğan 201 insan yaşağan 41 evni sup basa», – dep bildirile hızmetniñ haberinde.

Qurtarıcılar afat yüz bergen yerge kelip çıqqanlarında, suvlı-çamurlı sel aqqan vaqıtta tıqanıqlıqta turğan maşnalarnı suv basa ve suv darbesi neticesinde olar işten çıqa.MÇSniñ matbuat hızmeti bergen malümatqa köre, qırımlı qurtarıcılar zarar körgen vatandaşlarnı qurtarıp, qazanıñ neticeleri temizlengence, «Sudaq» turistik-tedavi kompleksine yerleştirgenler.

Bunen beraber Rusiye MÇS Qırım şubesiniñ hadimleri tarafından yolnıñ maşnalar areket etken qısmı takelaj donatma yardımınen temizlengen.

XS
SM
MD
LG