Link açıqlığı

Saatnıñ esas haberi

Avgustnıñ 19-nda Qırımda sıcaq olması, boranlı yağmur ve burçaq yağması beklenile


Qırımda yerine köre küçlü sağanaq, boranlı yağmur, burçaq yağması ve saniyede 20-25 metr tezliginde rüzgar esmesi beklenile. Bu aqta Qırım gidrometeomerkezi bildirmekte.

Sinoptiklerniñ tahminlerine köre, cumaertesi künü Qırımda gece ava 18-25, kündüz 28-33 derecegece qızacaq. Şimaliy-ğarbiy el saniyede 8-13 metr tezgilinde esecek.

Aqmescitte kök bulutlu ve parçalı bulutlı olacağı beklenile. Qısqa müddetli yağmur ve boranlı yağmur yağacaq. Şimaliy-şarqiy el saniyede 8-13 metr tezgilinde esecek. Gece ava 18-20, kündüz 29-31 derecegece qızacaq.

Aqyarda ava deñişip turacaq. Saba ve aqşam qısqa müddetli yağmur ve boranlı yağmur yağacaq. Şimaliy-şarqiy elnen kündüz saniyede 5-10 metr tezgilinde cenübiy-ğarbiy el esecek, boranlı yağmur yağğanda ise, saniyede 14 metr tezliginde el esecek.Gece ava 20-22, kündüz 28-30 derece olacaq.

Sinoptiklerniñ tahminine köre, Qara deñizniñ suvı 24-26 derece etrafında olıp, Keriç boğazı ve Azaq deñizinde 26 derecegece yetecek.

XS
SM
MD
LG